Sa aking pagiging basketball player, marami na ang aking naranasan; Mayroong mga mahihirap, at mayroong din mga masayang karanasan. Subalit sa oras ng kahirapan, palagi mayroon akong natutunan, dahil sa mga pagsubok tayo lumalakas at lumalago.
Noong bago pa ako sa industriya ng basketball, palagi akong pikon kapag natatalo o nafofoul. Palagi ko’ng sinisisi ang referee tuwing natatalo ang team namin. Palagi rin ako’ng galit sa aking mga kakampi tuwing kami ay natatalo. Madalas nga ay tinatawag ako ng mga kakampi ko ng “Pikon Jarone” dahil palagi ako’ng nagagalit. Halos lahat ng laban namin sa ibang team ay napipikon ako at natatalo dahil sa aking pagiging madamot sa bola. Sabi nga nila, magaling ako maglaro ng basketball, pero sayang ang pagiging magaling ko kasi wala raw ako’ng teamwork. Kung lahat ng manlalaro sa isang basketball team ay magaling, ngunit kulang naman sa mahalagang elemento ng teamwork, walang silbi ang husay nila.Dahil dito, natutunan ko na hindi maganda maging pikon at hindi magbabago ang resulta ng laban kapag ikaw ay naging pikon. Kapag natalo ako at nagalit sa referee, wala naman magbabago sa kinalabasan ng laban, kaya bakit pa ako magagalit? Sinemento ko ang kaisipan na ito sa aking utak. Ano ang naging resulta nito? Tagumpay. Halos lahat ng mga laban namin ay nagwagi kami bilang All-Star Championships sa buong Pilipinas.Nanalo rin kami ng Olympic Gold Medal sa basketball para sa Pilipinas. Nagkaroon din ako ng bagong girlfriend na isang super model. Hindi kami naging Champions para sa aming sarili, ngunit naging Champions kami para sa bawat Pinoy na nais maging isang tunay na mahusay na basketball player. Ang naging epekto nito ay hindi lamang makikita sa team ko, ngunit sa buong pilipinas. Pinagmamalaki ng Pilipinas ang pagbabago ng puso ng Basketball Player na si Jarone “Halimaw” Tung. Mga tagahanga, hindi sinusukat sa husay at galing ang pagiging matagupay. Ngunit, sinusukat ito sa sipag, at pagiging mapagkumbaba. Magugustuhan ka pa ng mga babae dahil sa iyong pagiging tunay na cool dahil ang pagiging mapagkumbaba ay isa sa mga “Pogi Points” na tinatawag.
Sa aking mga karanasan, masasabi ko sa inyo na hindi madali maging isang mapagkumbaba na basketball player. Kailangan mo pigilan ang iyong sarili sa pagiging mayabang, at pagiging pikon. Kung tiningnan mo ang mga mahuhusay na atleta ng Pilipinas, makikita mo na hindi sila mayabang. Makikita mo na hindi silang tao para sa kanilang sarili, ngunit nananalo sila para sa buong bansa. Kung gusto mo maging isang tunay na atleta, hindi kailangan ang pagiging husay, gwapo, at lakas. Ang kailangan lamang para maging tunay na atleta ay ang magandang loob, at ang puso para sa buong bansa. Dito mo makukuha ang determinasyon na kailangan mo para manalo. Kaya, kung magiging basketball player kayo sa kinabukasan, alalahanin niyo ang sulat na ito. Huwag niyo’ng kalimutan ang mga katangian ng tunay na atleta. Matuto ka sa mga karanasan ko, at maging tunay kayo na cool. Kung gusto niyo maging katulad ko, kailangan niyong malaman na ang totoong cool ay hindi napipikon. Ang totoong cool, ay cool sa kalooban, at sa kalabasan.