Sa lahat ng mga bansa sa mundo, masasabi ko ang Pilipinas ang aking paborito. Ang Pilipinas ang aking paborito hindi lang dahil dito ako isinilang, ngunit, dahil ang Pilipinas ay isa sa mga bansang may kulturang nakakaiba, at mga taong kasingganda ng kanilang kalooban. Maraming tao ngayon ay nahihiya na magsabi na sila ay may dugong Pilipino. Ito ay dahil hindi nila alam na maraming nakakaibang bagay ay nakikita lamang sa Pilipinas, at dapat ay ipagmalaki nila ang kanilang pagiging Pilipino.
Ang Chocolate Hills ay isang halimbawa ng mga tanawin na makikita lamang sa Pilipinas. Ang Pilipinas ay may Chocolate Hills, habang ang mga ibang bansa ay may hills lamang. Ang mga maraming burol na kulay tsokolate at kumpol-kumpol pa ay halos hindi makikita sa buong mundo. Ang “Philippine Eagle” ay ang pinakamalaking ibon sa buong mundo. Ang Pilipinas ay may “Philippine Eagle”, habang ang Estados Unidos ay may “Bald Eagle”.
![Philippine Eagle](https://jaronetung.wordpress.com/wp-content/uploads/2011/10/philippine-eagle.jpeg?w=490)
Nasa Pilipinas lang din makikita ang pinakamaliit na bulkan at isda. Dito lang din mahahanap ang mga masasarap na pagkaing malalasahan ang mga kultura ng iba’t ibang bansa tulad ng Estados Unidos, Tsina, at Espanya, habang ang kultura ng mga taong Britanya ay hindi katulad ng kultura ng mga Pinoy dahil hindi sila naapekto ng ibang mga kultura. Ang Boracay ay isa sa mga paboritong tourist destination sa buong Asya, habang ang Paris ang paboritong tourist destination sa Europa. Makikita talaga natin na maganda ang ating bansa at hindi dapat tayo mahiya sa ating pagiging Pilipino. Ngunit, ang talagang nakakaiba sa Pilipinas, ay ang kanyang tao at kultura. Sa Pilipinas lamang makikita ang mga taong kaya pang ngumiti pagkatapos mawasak ang kanilang bahay sa bagyo. Kung may bagyo sa ibang lugar o bansa, lahat ng mga tao ay mawawala ng pag-asa. Subalit dito sa Pilipinas, lahat ng mga tao ay nagtutulungan bilang isang pamilya. Noong People Power Revolution, akala ng mga tao na matatapos ito sa gera, ngunit hindi ito nangyari. Hindi ito nangyari dahil ang mga taong Pilipino ay may malaking puso. Kahit na maliit lang ang bansa natin, maganda ang ating mga tanawin, at maganda rin ang ating kalooban. Ito ay isang bagay na sa Pilipinas lang makikita. Totoo na mayaman ang ibang bansa. Marami silang armas pang-gera, malalaki ang kanilang mga siyudad, at halos hindi sila naapektuhan sa mga kalamidad. Datapwat kahit hindi mayaman ang Pilipinas sa pera, mayaman pa rin tayo sa kultura natin. Isang tingin lang sa isang Pilipino, malalaman natin na hindi siya isang regular na tao. Isa siyang tao kung saan makikita ang mga kultura ng iba’t ibang uri ng mga tao.
Sa kagandahan ng Pilipinas, mahahanga ang lahat ng mga dumadating sa Pilipinas. Totoo na mahahanga sila sa mga tanawin tulad ng Boracay, Banawe Rice Terraces, Chocolate Hills, at iba pa. Pero ang pinakamagandang bagay sa ating bansa, ay ang taong Pilipino. Madalas ay mas nagbibigay tayo ng halaga sa ibang bansa kaysa sa sarili nating bansa Saan mo pa makikita ang mga taong taos pusong nagbibigay at tumutulong sa isa’t isa? Hindi ito mahirap makita. Tumingin ka lamang sa iyong paligid, at makikita mo na ang mga pinakamayaman na tao sa buong mundo, ang taong Pilipino.
![philippines-culture](https://jaronetung.wordpress.com/wp-content/uploads/2011/10/philippines-culture.jpg?w=300&h=212)
Sources: http://willgundran.webs.com/apps/photos/photo?photoid=88349893
http://www.cebu-philippines.net/philippine-culture.html